Litt historikk rundt skolen (kilde: Jordbruket i Noreg 1914-1974 Aslak Lidtveit utgitt av Landbruksdepartementet)
URL: http://urn.nb.no/URN:NBN:no-nb_digibok_2007071001043

MASKINFØRARSKOLEN FOR LANDBRUK
Frå distrikta har det vore reist sterke krav om forsøk og prøving av maskinar som høver for området. Dette gjeld i særleg grad Vestlandet som m.a. har vore interessert i utprøving av ulike vinsjtypar og maskinar for bratt lende. Jordbrukets Produksjons- og Rasjonaliseringskomité av 1946 hadde tatt opp dette spørsmålet i si innstilling II der komiteen foreslo at Instituttet burde ha faste prøves tader, særleg på Vestlandet og i Nord-Noreg. Den eldste av desse prøvestadene er Vikeid i Sortland, Nordland. Spørsmålet om ein prøve- og opplæringsstad for Nord-Noreg vart tatt opp, og i St. meld. nr. 8 5, 1951 (Handelsdepartementet) om eit utbyggingsprogram for Nord-Noreg er det sagt at Nordland og Troms fylke ville gå saman om å skipa ein maskinstasjon på Vikeid i Vesterålen med spesialutstyr for nydyrking. Finnmark var interessert i ein liknande stasjon i Svanvik i Pasvikdalen. Landbruksdepartementet fylgde dette opp i St.prp. nr. 1. Tillegg nr. 30, 1951 der det vart gjort framlegg om å løyve kr. 200 000 til ein gravemaskin og ein bulldozar mm. på Vikeid.

Sidan 1951 har Vikeid i Sortland, Nordland fylke vore nytta som kurs og prøvestad for Landbruksteknisk institutt. Det har vore noko usemje om Vikeid skulle byggjast ut som ein landbruksmaskinskole, eller om den skulle vera ein prøvestasjon for Nord-Noreg under Landbruksteknisk institutt. I St. meld. nr. 72, 1960-61 gjorde departementet framlegg om å nytta Vikeid til landbruksmaskinskole. Dette var ikkje Stortinget samd i då, men i budsjettprp. for 1972 tok departementet saka opp att og då sa Stortinget seg samd i framlegget på visse vilkår. Frå 1. januar 1972 er hovudvekta lagt på opplæring, men det skal framleis og kunna vera ein forskings- og prøvestad for Landbruksteknisk institutt. Sjå elles under IV For søk og forsking, 6. Landbruksteknisk institutt.

Overført til Nordland fylkeskommune fra 1.8.97 i samsvar med intensjonene i Innst.S.nr.161 1987-88