• Administrasjons- og utviklingsavdelingen

Endringer i departementet omtalt i St.prp.nr.1 2005-2006 (UFD) s. 30:
I lys av samfunnsendringa og endringar i utdannings- og forskingssektoren har departementet gjennomgått organisasjonen med fokus på organisasjonsstruktur, kultur og arbeidsmåtar. Departementet er no organisert i seks avdelingar: opplæringsavdelinga, universitets- og høgskoleavdelinga, avdeling for analyse, internasjonalt arbeid og kompetansepolitikk, forskingsavdelinga, avdeling for økonomi og styring samt administrasjons- og utviklingsavdelinga. Den nye organiseringa skal medverke til å utvikle betre heilskap og samanheng i departementsarbeidet, meir aktivt grep om politikkutforminga og meir formålstenleg oppgåveløysing.

Noreg står overfor fleire samfunnsutfordringar som krev at vi klarer å mobilisere og vidareutvikle kompetansen til heile befolkninga. I den nye organisasjonsstrukturen er arbeidet med kompetansepolitikk kopla tettare til analyse- og internasjonalt arbeid i departementet. Denne forankringa gir positive stimuli og nytenking inn i vidareutviklinga av kunnskapsgrunnlaget for kompetansepolitikken. Dette medverkar òg til at departementet i større grad kan dra nytte av dei internasjonale prosessane også i nasjonal politikkutforming. Ansvaret for livslang læring er forankra i fagavdelingane slik at feltet blir ein integrert del av arbeidet med utdannings- og forskingspolitikk. Dette fordi livslang læring er eit gjennomgåande tema i heile utdanningssystemet. Ei ny Avdeling for økonomi og styring er oppretta for å sikre at arbeidet med økonomisk, juridisk og organisatorisk styring i utdannings- og forskingssektoren blir godt koordinert og vidareutvikla.

• Administrasjons- og økonomiavdelingen